Алматыда жаңа зауыттар салынуда

Алматыда құрылыс материалдарын өндіру бойынша екі жобаның іске қосылуы күтілуде. Бұл туралы LS-ке қала әкімдігінде айтты.

Осы жылдың соңына дейін мегаполисте арматуралық тор, кварц агломераттары мен профильді құбырлар шығаратын зауыт іске қосылады деп күтілуде. Іске асыру 1,5 млрд теңгеге бағаланады. Ұсынылған ақпаратқа сәйкес, нысандар индустриялық аймақтың аумағында 2,5 гектарға салынады, мұнда 510 мың шаршы метр тор, 25,5 мың шаршы метр агломерат, жылына 1,7 мың тонна профиль шығарылмақ. Кәсіпорында 100 жұмыс орнын ашу жоспарлануда.

Сондай-ақ, Алматыда ағымдағы жылы толық циклді темірбетон бұйымдарын шығаратын зауыт ашылады деп күтілуде. Құны – 1,2 млрд теңге. Жоба индустриялық аймақта 3 гектарға іске асырылуда, мұнда 61 жаңа жұмыс орны ашылады.

Әкімдікте сондай-ақ, 2022 жылы қалада 78 жұмыс орны құрылған құрылыс индустриясындағы үш нысан іске қосылғанын айтты. Алматыда 800 млн теңгеге термопанель өндірісі, 900 млн теңгеге табиғи тастан жасалған бұйымдар шығаратын цех іске қосылды. Газдалған бетон блоктарын шығаратын зауыт 1,2 млрд теңгеге пайдалануға берілді.

Сонымен қатар, Жетісу ауданында "ЛМБ 2022" құйылған модификацияланған бетон өндіретін зауыт іске қосылды. Жұмыс орындары – 100-ден астам. Болашақта кәсіпорында жоғары сапалы бетон шығаруды жолға қойылмақ. Ал қуаттылығы жылына 100 мың текше метрге жететінін түсіндірді.

Бұған дейін, LS редакциясы мегаполисте 599 млрд теңгеге жуық жобаларды іске қосылатынын жазған болатын. Оларды іске асыру 2024-2026 жылдарға жоспарланған. 25 нысанды іске қосу есебінен 8,8 мың жұмыс орны құрылуы мүмкін. Жобаларды Қазақстандық, Түрік, Ресей, Корей компаниялары қала аумағында, арнайы экономикалық және индустриялық аймақтарда іске асыруда.