Абай облысында 100-ден аса оқушы “Құстарға үй сыйлады”
13.04.2024 15:29
Семейлік оқушылар Бейбітшілік аралында “Құстарға үй сыйла” экологиялық акциясын өткізді.
Бейбітшілік аралында “Құстарға үй сыйла” экологиялық акциясы өткізілді.
Акция мақсаты - Біртұтас тәрбие бағдарламасы негізінде оқушыларды құстарға қамқорлықпен қарауға, табиғатты аялауға баулу, экологиялық мәдениетті қалыптастыруға тәрбиелеу. Акцияға Семей қаласының жүзден астам мектеп оқушысы мен интернат тәрбиеленушілері қатысты.
Олар құстарға арналған 130-ға жуық ұя дайындады.
Айта кетейік, акцияға қаланың жеті мектеп оқушылары жұмылдырылды.
Сурет: Абай облысы білім басқармасының баспасөз қызметі